Indi ekin ekmek üçin ep-esli ýeri harçlap oturmagyň geregi hem ýok. Oýlanyp tapylan täsin güldanlar ösümlik bilen bile «ösýär».
Londondaky «Aýaskan» studiýasy tarapyndan döredilen güldanlaryň esasy aýratynlygy ösümlik bilen deň ösüp, ulalyp bilýänligidir. Güldanyň ösüşini onuň ýüzündäki nagyşdan bilip bolýar. Has takygy, yzygiderli ösüş netijesinde ösümlik görnüşini üýtgedýär. Onuň görnüşiniň üýtgeýşine görä, güldandaky nagyşlar hem özgerýär. Organiki we organiki däl gurluşlary birleşdirýän innowasiýa arkaly işlemegi bazarda güldanlyga bolan islegi artdyrýar. Gyzykly tarapy, güldanlykda ösümligiň köküniň hem endigan ösmegi üçin şertler bar.
Tebigatdaky ähli ösümlikleriň daşky gurşawa uýgunlaşýandygyny, ösýändigini, gülläp, guraýandygyny, topraga siňýändigini we täzeden döreýändigini aýdýan dizaýnerler: «Täze güldanlygyň bu ýagdaýa çemeleşmesi tersine. Onda zatlar döredilýär, ulanylýar we soňra işini ýitirýär. Ösümligiň boýy örän möhümdir. Şonuň üçin origami galyndysy seresaplylyk bilen ölçelýär, tebigatyň ösdürmek we üýtgetmek ukybyna öýkünilýär. Bu ukyplarynyň hemmesi öndürilen önüme geçýär» diýip, onuň işleýiş tertibini düşündirýärler.
Dünýäde bolup geçýän wakalardan habarly bolmak-bu döwrüň talaby!
