2025-nji ýylda Gyrgyzystanyň Kemine şäherinde “ýaşyl” şäheriň gurluşygyna girişiler. Bu barada ýurduň Prezidenti Sadyr Žaparow Nýu-Ýork şäherinde geçirilýän Baş Assambleýasynyň 79-njy mejlisinde eden çykyşynda belläp geçdi.
– Geljek ýyl Kemina şäherinde “ýaşyl” şäher taslamasynyň gurluşygyna başlarys. Biz ýurdumyzyň beýleki sebitlerine nusga boljak “ýaşly” şäheri gurarys. Bu hem geljek nesillerimiz üçin tebigaty goramaga mümkinçilik berer. Onuň ykdysady, söwda, medeni-syýahatçylyk, innowasiýa we täze tehnologiýalaryň merkezi bolar – diýip, Prezident belledi.
Şeýle hem Sadyr Žaparow Yssyk-Kul kölüniň kenarynda “Asman” atly döwrebap we innowasion şäheriň gurluşygyna girişilendigini aýtdy.
Onuň bellemegine görä, Merkezi Aziýa global howpsuzlyk hem-de dünýä ykdysadyýeti nukdaýnazaryndan möhüm sebite öwrülýär.
Sadyr Žaparow Gyrgyzystanyň goňşy döwletler bilen sebitiň durnukly ösüşi üçin bilelikde tagalla edýändigini belläp, Gazagystan we Özbegistan bilen bilelikde Kambar-Ata-1 gidroelektrik stansiýasynyň, Hytaý-Gyrgyzystan-Özbegistan demirýolunyň gurulýandygyny belledi.