Gresiýanyň parlamenti ýurduň Prezidenti wezipesine Katerina Sakellaropoulou saýlady. 63 ýaşyndaky Katerina Sakellaropoulounyň dalaşgäriligini 300 deputatdan 261-si goldady. Onuň dalaşgärligini ýurduň Premýer-ministri Kiriakos Misotakis hödürläpdir.
Mundan ozal, Katerina Sakellaropoulou Döwlet Geňeşiniň Başlygy – Gresiýanyň Ýokary administratiw kazyýetiniň başlygy wezipelerinde işläpdi.
Katerina Sakellaropoulou 5 ýylyň dowamynda Gresiýanyň Prezidenti wezipesinde işlär. Ol şu ýylyň 13-nji martynda wezipesine girişer. Häzirki Prezident Prokopis Pawlopulosyň wezipesine şonda tamamlanar.
Ýurduň 1975-nji ýylda Konstitusiýasyna laýyklykda, Gresiýa parlament respublikasydyr. Döwlet baştutany – prezident bolup, ol simwoliki wezipeleri ýerine ýetirýär. Esasy hökümet işlerini Premýer-ministr alyp barýar. Prezident halkara jemgyýetçiliginde ýurda wekilçilik edýär, şertnamalar gol çekýär, Premýer-ministri belleýär, diplomatik wekilleri kabul edýär.