Gazagystan Respublikasynyň Prezidenti Kasym-Žomart Tokaýew 29-njy iýunda Aşgabatda geçiriljek Hazarýaka döwletleriniň Baştutanlarynyň VI sammitine gatnaşýar. Bu barada ýurduň döwlet Baştutanynyň metbugat gullugy habar berdi.
– 29-njy iýunda Kasym-Žomart Tokaýew Türkmenistanyň paýtagty Aşgabatda geçiriljek Hazarýaka döwletleriniň Baştutanlarynyň VI sammitine gatnaşýar – diýlip, metbugat beýanatynda bellenilýär.
4 ýyldan soňra Hazar sammiti Aşgabatda geçirilýär. Mundan ozalky sammit 2018-nji ýylyň 12-nji awgustynda Gazagystanyň Aktau şäherinde geçirilipdi. Şol sammitde Hazar deňziniň hukuk derejesine degişli konwensiýa gol çekilipdi.
Golaýda Russiýanyň daşary işler ministri Sergeý Lawrow Türkmenistanyň, Russiýany, Azerbaýjanyň, Eýranyň hem-de Gazagystanyň Prezidentleriniň gatnaşmagynda Aşgabatda geçiriljek sammitde döwlet Baştutanlarynyň Hazar deňziniň hukuk derejesi hakyndaky konwensiýanyň ähmiýetini tassyklajakdyklaryny mälim etdi.
Birža täzelikleri: arap işewürleri azyklyk duz satyn aldylar