SPORT

“El Klasiko”: “Barselona” “Realy” ýeňdi

Dünýäniň iň köp janköýer we tomaşaçy çekýän futbol duşuşyklarynyň biri bolan “El Klasiko”, ýagny Ispaniýanyň “Barselona” bilen “Real Madrid” toparlarynyň arasyndaky duşuşyk bu gezek ABŞ-da geçirildi.

Täze möwsümiň öňüsyrasynda taýýarlyk we ýoldaşlyk duşuşyklarynyň çäklerinde bu iki topar Las-Wegasda duşuşdy.

Duşuşyk “Barselona” toparynyň peýdasyna tamamlandy. Duşuşygyň ýeke-täk goluny 27-nji minutda “Barselona” toparynyň täze satyn alan futbolçysy Rafinýa öz adyna ýazdyrdy.

“Barselona” toparynyň düzüminde ýene-de bir täze satyn alan futbolçysy Robert Lewandowski hem oýnady.

“Real Madrid” toparynyň düzüminde bolsa, topara täze goşulan Antonio Rýudiger we Orelýen Tuameni hem çykyş etdi.

Las-Wegasdaky “Allegiant” stadionynda geçirilen duşuşygyň iň arza bileti 346 ýewro deň boldy.

Bu iki topar öz aralarynda 282 gezek duşuşdy.

“Barselona” topary täze möwsüme taýýarlygyň çäklerinde 27-nji iýulda Italiýanyň “Ýuwentus” topary bilen, “Real” bolsa şol gün Meksikanyň “Amerika” topary bilen duşuşar.
https://www.atavatan-turkmenistan.com/2-million-yewro-aldy-32-million-yewro-satdy/

Ýene-de okaň

Çempionlar ligasy: täze formatyň ilkinji umumy tapgyry tamamlandy

Neýmar “Al-Hilal” topary bilen şertnamasyny ýatyrdy

Türkmenistanly emin Ronaldonyň duşuşygynda ätiýaçdaky emin bolar

Gwardiola özbek futbolçysy üçin rus ýa-da özbek dilini öwrenmekçi

Ata Watan Eserleri

Angliýada 2-nji “Salah” peýda boldy

Gyşky Aziýa oýunlary: Saud Arabystany ilkinji gezek gatnaşýar

Ata Watan Eserleri