Ýadyňyzda bolsa ýakynda Bütindünýä saglygy goraýyş guramasynyň (BSGG) Ýewropa Sebitleýin edarasynyň wekiliýetiniň Türkmenistana bolan saparynyň netijelerine boýunça brifing geçirildi. “Atavatan Türkmenistan” halkara žurnalynyň www.atavatan-turkmenistan.com saýty şol brifinge gatnaşdy we brifingde bellenen hususlary şol ýerden gyzgyny bilen ilkinji bolup dünýä halk köpçüligine ýetirdi.
Mälim bolşy ýaly geçirilen brifingde, Türkmenistanda geçirilen işler boýunça Bütindünýä saglygy goraýyş guramasynyň (BSGG) Ýewropa Sebitleýin edarasynyň adatdan daşary ýagdaýlaryň meseleleri boýunça baş hünärmeni, wekiliýetiň ýolbaşçysy Katrin Smolwud Türkmenistanda bu pandemiýanyň hasaba alynmadygyny habar berdi we Türkmenistanyň Ýewropa sebitinde bu ulgamda ýeke täk döwletdigini belledi.
“Atavatan Türkmenistan” halkara žurnalynyň www.atavatan-turkmenistan.com saýty bu habary diňe bir saýtymyza ýerleşdirmek bilen çäklenmän, eýsem resmi Facebook, Instragram, Twitter we Linkedin hasaplarynyň üsti bilen dünýä halk köpçüligine ýaýratdy. Esasan hem, @atavatanturkmenistan Instagram hasabymyzyň 14 000 müňden gowrak “yzarlaýanlaryndan” daşgary ýörite “tanyşdyrmak” çäremiziň hem täsiri bilen şol habarlardan biri 100 000-den gowrak “görüldi” we ýüzlerçe “halanan” aldy we onlarça “teswirler” edildi.
Hormatly okyjylarymyz,
Biz şol brifinge halkara metbugat wekili hökmünde gatnaşdyk we brifingde Bütindünýä saglygy goraýyş guramasynyň (BSGG) Ýewropa Sebitleýin edarasynyň adatdan daşary ýagdaýlaryň meseleleri boýunça baş hünärmeni, wekiliýetiň ýolbaşçysy Katrin Smolwudyň aýdanlaryny halk köpçüligine gyzgyny bilen ýetirdik. Şonda biziň resmi Instagram hasabymyz bu habary dünýä halk köpçüligine Türkmen, Türk, Rus we Iňlis dillerinde ýetirmek boýunça işjeň hereket etti we ýokaryda hem belleýşimiz ýaly habarlarymyzdan biri 100 müňden gowrak okyjy tarapyndan görüldi.
Biziň pikrimizçe Ata Watanymyz barada halkara saglyk guramasynyň beren oňyn netijesi käbirlerini bimaza etti we bu agşam daşary ýurtlaryň birinden Instagram hasabymyza haker hüjümi gurnaldy.
Haker ýa-da haker topary ilki bilen @atavatanturkmenistan hasabymyzy we bu hasabymyza çatylan atavatanltd@gmail.com e-poçta hasabymyzy ele geçirdi. Tehniki toparymyzyň wagtynda gören çäresi bilen hasaplarymyzy yzyna almak bize başartdy. Emma gynansakda, resmi hasabymyz mundan soňra @atavatanturkmenistan däl-de @atavatanturkmen diýip ullanmaly bolarys. Eger ýakynda öňki hasabymyzy yzyna almak başartsa, täzeden öňki hasabymyza geçjekdigimizi bellemek bilen, häzirlikçe @atavatanturkmen hasabymyzyň hereket etjekdigini ýatlatýarys.
Instagram hasabymyza garşy edilen haker hüjümi döredijilik toparymyzyň Ata Watanymyz baradaky habarlary dünýä halk köpçüligine ýetirmek, şeýle hem, global dünýämizde bolup geçýän wakalary ene dilimizde Türkmen okyjylaryna ýetirmek baradaky kiçijek tagallalarynyň ýerliklidigini görkezdi diýip ynanýarys. Şeýle bolansoň, mundan soňra has hem işjeň hereket etjekdigimizi, gyzykly we peýdaly habarlarymyz bilen okyjylarymyzyň göwnünden turmak üçin has köp zähmet çekjekdigimize ynandyrmak isleýäris.
