UEFA-nyň gurnaýan iň uly ýaryşlarynyň biri bolan Çempionlar ligasynda toparçalardaky duşuşyklar tamamlanyp, indiki tapgyra çykan toparlar belli boldy.
Öz toparçalaryndan birinji bolup çykan toparlar: Germaniýanyň “Bawariýa”, Portugaliýanyň “Benfika”, Angliýanyň “Çelsi”, Angliýanyň “Mançester Siti”, Italiýanyň “Napoli”, Portugaliýanyň “Porto”, Ispaniýanyň “Real Madrid” hem-de Angliýanyň “Tottenhem” toparlarydyr.
Öz toparçasyndan ikinji bolup çykan toparlar: Begliýanyň “Brýugge”, Germaniýanyň “Dortmund”, Germaniýanyň “Frankfurt”, “Germaniýanyň “Leipsig”, Angliýanyň “Liwerpul”, Italiýanyň “Milan” hem-de Fransiýanyň “PSŽ” toparlarydyr.
Pleý-off tapgyryna Germaniýadan we Angliýadan 4 topar çykmagy başardy. Italiýanyň “Milan” topary 9 ýyldan soňra toparçadan çykmagy başardy.
Italiýada köp ýyllaryň dowamynda birinjiligi eýeläp gelýän “Ýuwentus” toparynyň indiki tapgyra çykmakdan mahrum galmagy köpleri haýran galdyrdy.
1/8 final tapgyrynyň bijeleri 7-nji noýabrda çekiler. Ilkinji duşuşyklar 14-15-nji we 21-22-nji fewralda geçiriler. Jogap duşuşyklary bolsa, 7-8-nji we 14-15-nji martda oýnalar.