UEFA-nyň Çempionlar ligasynyň 1/8 finalynyň jogap duşuşyklary geçirilýär. Adatça, Ýewropanyň naýbaşy ýaryşynyň duşuşyklary uly hasaply ýeňişler seýrek duş gelýär. Ine, şolaryň ýene-de biri hasaba alyndy.
Angliýanyň “Mançester Siti” topary öz meýdançasynda Germaniýanyň “Leipsig” toparyny 7:1 hasabynda utdy. Duşuşykda iňlis toparynyň ýaş norwegiýaly hüjümçisi Erlin Holand 5 gol geçirip, gijäniň gahrymany we köp sanly rekordlaryň eýesi boldy.
Bu norwegiýaly futbolçy Çempionlar ligasynda iň gysga wagtda 30 gol geçiren iň ýaş futbolçy boldy. 22 ýaşyndaky futbolçy Çempionlar ligasynda şu möwsümde 10, jemi bolsa 30 gol geçiren iň ýaş futbolçy (22 ýaş 236 gün) we iň çalt (25 duşuşyk) boldy.
Bu ýaryşda mundan ozal, 30 goly iň çalt wagtda geçiren futbolçy niderlandly Ruud Wan Nistelroýdy. Ol 34 duşuşykda bu görkezijä ýetipdi.
30 goly geçiren iň ýaş futbolçy rekordy bolsa, fransuz ýyldyz Kilian Mbappe (22 ýaş 352 gün) degişlidi.
Holand Çempionlar ligasynyň bir duşuşygynda 5 gol geçiren 3-nji futbolçy boldy. Ozal bu görkezijä argentin ýyldyz Lionel Messi we brazil hüjümçi Luiz Adriano eýe bolupdy.
Çempionar ligasynyň beýleki duşuşygynda bolsa, Portugaliýanyň “Porto” bilen Italiýanyň “Inter” toparlary duşuşdy. Duşuşyk 0:0 hasabynda tamamlandy. Ýöne ilkinji duşuşykda 1:0 hasabynda üstün çykyn “Inter” topary indiki tapgyra çykdy.
Häzirki wagtda Çempionlar ligasynyň 1/4 finalyna “Bawariýa”, “Benfika”, “Çelsi”, “Milan”, “Mançester Siti” we “Inter” toparlary çykmagy başardy.