UEFA-nyň Çempionlar ligasynyň 1/4 final tapgyrynyň nobatdaky duşuşyklary geçirildi. Onda iňlis toparlary “Liwerpul” bilen “Mançester Siti” ýarym finala çykmagy başardy.
Ilkinji duşuşygynda Ispaniýanyň “Atletiko Madrid” toparyny 1:0 hasabynda ýeňen “Mançestes Siti” üçin jogap duşuşygy örän kyn geçdi. Meýdançada futbolçylaryň arasynda çekeleşikli ýagdaýlar ýüze çykdy. Olar biri-biri bilen uruşmagyň bäri ýanyndan gaýtdylar. Emin birnäçe gezek duşuşygy togtatmaly boldy. Şonuň üçin esasy wagtyň üstüne 12 minut çemesi wagt goşuldy.
Netijede, duşuşyk 0:0 hasabynda deňme-deň tamamlandy we “Mançester Siti” ýarym finala çykdy. Toparyň tälimçisi Pep Gwardiola bolsa tälimçi hökmünde 9-njy gezek Çempionlar ligasynyň ýayrm finalyna çykmagy başardy.
Beýleki duşuşykda, “Liwerpul” ilkinji duşuşykda “Benfika” toparyny 3:1 hasabynda ýeňipdi. Jogap duşuşygynda bolsa, toparlaryň duşuşygy 3:3 hasabynda tamamlandy.
ÝARYM FINAL DUŞUŞYKLARY
Çempionlar ligasynyň ýarym finalynda “Real Madrid” topary “Mançester Siti” bilen duşuşar, “Liwerpul” bolsa, “Wilýarreal” bilen oýnar.
Hormatly Prezidentimiz telekeçileriň gazananlarynyň sergisi bilen tanyşdy