Çehiýada Wekiller palatasy pandemiýa kanunyna üýtgetmeler girizdi we ýurtda ulanylýan “Covid-19” çäklendirmeleriniň ählisini ýatyrdy.
Ýurtda hereket edýän pandemiýa kanunyna teklip edilýän üýtgetmeler 200 orunlyk Wekiller palatasynda sese goýuldy. Kanuna girizilen üýtgetmeler bilen ýurtda mundan ozal ýapyk ýerlerde we jemgyýetçilik ulaglarynda aradan aýrylan agyz-burun örtügini dakynmak zerurlygy hassahana, dermanhana, garrylar öýi we beýleki ähli saglyk edaralarynda hem ýatyryldy.
Çehiýanyň saglygy goraýyş ministri Wlastimil Walek:“Örtük dakynmak zerurlygyny aýyrdyk, ýöne örtük dakynmak biziň üçin gaty gowy gorag çäresi. “Covid-19”-yň henizem adamlara howp salmak mümkinçiliginiň bardygyny ýatdan çykarmalyň. Şol sebäpli hemmeleri sanjym etmäge çagyrýaryn “-diýip belledi.