Halkara kongreslar we ylmy maslahatlar birleşmesi (ICCA- International Congress and Convention Association), Assosiasiýalar we konferensiýalar (AC- Associations & Conference) forumy bilen bilelikde Türkiýäniñ Stambul şäherinde 2023-nji ýylyň 6-8-nji iýuny aralygynda “The Future of Healthcare Meetings” atly çäre geçirýär.
Stambulda 2023-nji ýylyň 6-8-nji iýuny aralygynda “The Future of Healthcare Meetings” atly maslahaty geçiriler. ICCA-nyñ, AC forumy bilen hyzmatdaşlykda guraýan halkara çäresine saglygy goraýyş ulgamynda gyzyklanma bildirýän taraplaryñ köp sanlysynyň, şeýle hem agzalan guramalaryñ agzalarynyñ gatnaşmagyna garaşylýar. Iki günlük halkara maslahat, saglygy goraýyş pudagynda has täsirli we durnukly halkara duşuşyklary guramagy maksat edinýär.
“The Future of Healthcare Meetings”- gurnaýjy toparyñ saglygy goraýyş ulgamynda 3 ýyldan gowrak wagt bäri alyp barýan bilelikdäki ähmiýetli çäreleriniñ birnäçesini öz içine alýar. 2021-nji ýyldan bäri geçirilýän B2B (business-to-business) çäresiniñ ýüzbe-ýüz görnüşi 2022-nji ýylyň 6-8-nji iýuly aralygynda Fransiýanyň Kann şäherinde geçirildi. Saglygy goraýyş ulgamyndaky mejlisleriñ ösdürilmegi babatda ençeme mümkinçilikleri döredýän bu çäräniň ıkinjisi bolsa, Türkiýäniñ syýahatçylygy ösdürmek baradaky agentliginiñ (TGA) tagallalarynyň netijesinde şu ýyl Stambulda geçiriler.
“The Future of Healthcare Meetings İstanbul” dünýädäki iň möhüm we täsirli saglygy goraýyş pudagyndaky maslahatlaryñ we kongresleriñ öñdebaryjy wekillerini Türkiýä çagyrýar. Bu çäre, pandemiýadan soňra dünýädäki saglygy goraýyş ulgamyndaky maslahatlardyr duşuşyklaryñ hilini ýokarlandyrmagy, şeýle hem Stambulyň bu bazardaky ornuny berkitmegini maksat edinýär. Forumyñ çäklerinde saglyk hünärmenleri, saglygy goraýyş birleşikleriniň ýolbaşçylary, degişli ugurda iş alyp barýan işewür toparlaryñ wekilleri saglygy goraýyş boýunça maslahatlaryñ ışjeñ ýagdaýda guralmagy üçin zerur bolan üýtgeşmeleri we ösüş ädimlerini öwrenmäge mümkinçilik alarlar.
Ştab-kwartirasy Amsterdamda ýerleşýän ICCA, dünýäniň 100-e golaý döwletinde we sebitinde 1100-den gowrak agzasy bilen kongreslar we maslahatlar boýunça öňdebaryjy guramalaryň biri bolup durýar. ICCA 1963-nji ýylda döredilen gününden bäri halkara maslahtlaryñ we çäreleriñ guralmagyna, şeýle hem ulag we ýaşaýyş meselelerinde başarjañ we tejribeli üpjün edijilere wekilçilik edýär. Onuň agzalarynyñ arasynda mahabat we marketing ofislary, kongresleri we mejlisleri gurnaýan halkara agentlikler, myhmanlary kabul etme hyzmatlaryny hödürleýän beýleki kärhanalar, maslahatlaryñ geçirilmegi we myhmanhana hyzmatlaryny hödürleýän edaralar bar. ICCA-nyñ agzalarynyň arasynda hyzmatdaşlygy we aragatnaşygy ösdürmegi, merkezi edaranyň işine goldaw bermegi maksat edinýän sebitleýin düzümleri hem bar. Türkiýe hem bileleşigiň Ortaýer deňzindäki agza döwletleriniň biri bolup durýar. Türkiýäniñ ICCA bilen Destinasiýa hyzmatdaşlyk ylalaşygyna gol çekmegi hem ähmiýetli wakalaryñ birine öwrüldi.
Mundan başga-da, MICE (kongres syýahatçylygy) boýunça gyzyklanýan taraplar, “ICCA AC Forum – The Future of Healthcare Meetings” duşuşygyndan öñ 5-nji iýunda geçirilmegi meýilleşdirilýän Stambul ICCA Sammitine gatnaşarlar.