Ulag hyzmatdaşlygy Türkmenistanyň Belgiýa Patyşalygyndaky ilçisi Sapar Pälwanow bilen Belgiýanyň wekiller palatasynyň deputaty, “Belgiýa-Türkmenistan” parlamentara dostluk toparynyň ýolbaşçysy Tim Wandenput bilen geçirilen duşuşygyň ara alnyp maslahatlaşylan esasy ugurlarynyň biri boldy.
Türkmenistanyň amatly geografik ýerleşişi hem-de Türkmenbaşy halkara deňiz portunyň mümkinçilikleri babatda ulag hyzmatdaşlygy ara alnyp maslahtlaşyldy.
Şeýle hem parlamentara hyzmatdaşlygy işjeňleşdirmegiň möhümdigi bellenildi. Ilçi 2020-nji ýylda döreilen dostluk toparynyň iki ýurduň parlamentleriniň arasynda hyzmatdaşlygy ösdürmäge itergi berendigini belledi.
Belgiýanyň deputaty Türkmenistan bilen ulag, energetika, oba hojalygy we bilim ulgamynda hyzmatdaşlyk etmäge gyzyklanma bildirýändiklerini mälim etdi.