Ispaniýanyň «Barselona» topary ozalky bu toparda çykyş eden we häzir Fransiýanyň PSŽ toparynda oýnaýan braziliýaly Neýmary yzyna getirmegi meýilleşdirýär. Bu barada “Sky Sports” neşiri habar berýär.
Neşiriň habar bermegine görä, katalon topary Neýmar üçin 55 million ýewro hem-de özüniň fransiýaly hüjümçisi Antuan Grizmanny bermegi göz öňünde tutýar. Grizmannyň bahasy 100 million ýewro deňdir.
Eger Fransiýanyň topary bu teklipden ýüz öwren halatynda «Barselona» topary Grizmanny başga topary satyp, Neýmaryň transferi üçin pul serişdelerini üpjün etmegi meýilleşdirýär.
29 ýaşly Antuan Grizmann “Barselonanyň” düzüminde 37 duşuşykda meýdança çykyp, 14 gol geçirdi. Neýmar bolsa PSŽ toparynda 22 duşuşykda 18 gezek tapawutlanmagy başardy.