Ozal hem habar berşimiz ýaly, Abu-Dabiniň welosiped klubynyň welosipedçiler topary türkmen türgenleri bilen bilelikde okuw-türgenleşik işlerine gatnaşmak üçin Aşgabada geldiler.
Olaryň ilkinji türgenleşikleri Olimpiýa şäherçesinde, Köpetdagyň eteklerinde we Gökdere jülgesinde geçýär. Welosipedçiler türgenleşiginiň ilkinji gününde Köpetdagyň eteklerine türgenleşip, bu ýeriň owadanlygyna hem-de hoştap howasyna bendi boldular. Umuman, welosipedçiler 107 kilometr geçdiler.
Mundan ozal, daşart ýurtly türgenler bir günüň dowamynda 60 ýa-da 70 kilometr menzil geçipdirler. 110 kilometre golaý menzili ilkinji gezek geçýändiklerine özleri hem haýran galdylar. Bu hem Türkmenistanyň dag etekleriniň howasynyň ajaýyplygy bilen baglydygy düşündirilýär.
BAE-li welosiepdçileriň Aşgabatda okuw-türgenleşige gatnaşmagy diňe bir sport däl, eýsem täze dostlukly gatnaşyklary emele getirmek we iki doganlyk ýurduň türgenleriniň arasynda täze mümkinçilikleri döretmek babatda hem möhüm bolup durýar.
Welosipedçileriň okuw-türgenleşigi 25-nji awgusta çenli dowam eder.