Azerbaýjanyň “Azertag” döwlet habarlar gullugy türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedowyň Azerbaýjan Respublikasyna saparynyň Türkmenistanyň metbugatynda giňden beýan edilendigini habar berdi.
Türkmen halkynyň Milli Lideriniň bu sapary “Atavatan Türkmenistan” halkara žurnalynyň web sahypasy bilen bir hatarda “Orient”, “Türkmenportal”, “News Central Asia”, “Business Turkmenistan”, “Ashgabattimes” we beýleki neşirlerde giňden beýan edilendigi bellenildi.
Metbugat neşirleriniň sahypalarynda saparyň dowamyndaky gepleşiklere, onuň medeni maksatnamasyna giň orun berlendigi aýdyldy.
Bellenilişi ýaly, Türkmenistanyň we Azerbaýjanyň halklarynyň umumy taryhy, dini, medeni gymmatlyklara eýedigini, bu gymmatlyklaryň iki halkyň agzybirligini, iki döwletiň uzakmöhletleýin esasda hyzmatdaşlyk gatnaşyklaryny ösdürmäge itergi berýändigi bellenilýär.
Şeýle hem metbugat sahypalarynda Türkmenistan bilen Azerbaýjanyň ulag, logistika, söwda we energetika ýaly ugurlarda hyzmatdaşlygyny ösdürýändigi hem-de mundan beýläk-de pugtalandyrjakdygy bellenilip geçilendigi habar berildi.