Aşgabat şäherinde iýul aýynyň yssy howasynyň rekordy goýuldy. Düýn ýagny 6-njy iýulda Aşgabatda iýul aýynyň iň bir yssy güni bolup geçdi.
“orient.tm” internet neşiriniň habaryna görä, Aşgabadyň meteorologiýa stansiýalarynda iýul aýy boýunça 130 ýyllyk meteorologik gözegçiligiň taryhynda iň ýokary yssy howa hasaba alyndy.
Şol gün şäherde howanyň ýagdaýy 46,8 derejä ýetdi. Mundan ozal, iýul aýynda şeýle ýokary derejedäki yssy howa 2015-nji ýylda bolupdy we şol ýyl 46 derejä ýetipdi.
Şu günden başlap, ýurdumyzda çendenaşa yssy howalar kem-kemden azalyp başlar. Şenbe güni türkmen paýtagtynda howanyň ýagdaýynyň +33 derejä ýetmegine garaşylýar.