Ozal hem habar berşimiz ýaly, şu gün “Türkmenistan” awiakompaniýasy Aşgabat – Abu-dabi – Aşgabat ugry boýunça ýolagçy gatnawyny ýola goýýar. Şol mynasybetli 5-nji ýanwarda ýerine ýetirilýän gatnawyň awiapetekleri üçin 50 göterimlik arzanladyş yglan edildi. Arzanladyş diňe şu gezekki gatnaw üçin elýeterlidir. Bu barada awiakompaniýanyň resmi saýtynda habar berilýär.
Hususan-da, şeýle diýilýär:
Hormatly ýolagçylar! “Türkmenistan” awiakompaniýasy” açyk görnüşli paýdarlar jemgyýeti tarapynda 2024-nji ýylyň ýanwar aýyndan Aşgabat – Abu-dabi – Aşgabat ugry boýunça ýolagçy gatnawynyň ýola goýulmagy mynasybetli diňe 2024-nji ýylyň ýanwar aýynyň 5-ne ýerine ýetiriljek gatnawa 50% göterime çenli uly arzanladyş yglan edilýär.