Keşbine ser salan bolar haýrany,
Howasynda bilbilleriň seýrany.
Şöhrat-şany mekan eýläp her ýany,
Bütin dünýä şuwla saçýan Aşgabat!
***
Ýalkym saçýan aýazy bar, ýazy bar,
Dessan siňen aýdymy bar, sazy bar.
Yhlasly ýollardan guran Arkadag,
Gözellikden ylham joşan Aşgabat!
***
Monjuk deýin, mermer bina hatarlar,
Sährasynda asman läle kakarlar.
Merjen topragyna göwnüň galkynar,
Älem içre ady dolan Aşgabat!
***
Pyragyň arzuwlap gelen zamany,
Her döwri-döwrana ýollap heňňamy.
Ötürdi başyndan ýüz kyrk eýýamy,
Köňüllerde mesgen tutan Aşgabat!
***
Görmäge göz gerek, taryplara söz
Başynda täji deý, Arkadagym dur!
Jennet görjek diýseň bu mekany gör!
“Merjen şäher”, adyn alan Aşgabat!
Amansoltan Sytdyhowa,
Magtymguly adyndaky Türkmen
Döwlet uniwersitetiniñ talyby.