Türkiýe Respublikasynyň Prezidenti Rejep Taýyp Ärdogan Türkmenistanyň Prezidentini Garaşsyzlygyň 30 ýyllyk şanly baýramçylygy bilen gutlady.
“Watan” habarlar gepleşiginde bellenilip geçilişi ýaly, Türkiýe Respublikasynyň Prezidentiniň iberen gutlag hatynda şeýle diýilýar.
– Siziň Alyhezretiňiziň ýolbaşçylygynda ösüşiň köp ugry boýunça giň gerimli maksatnamalar durmuşa geçirilýär. Şolaryň netijesinde-de, Türkmenistan abadançylygyň we durnuklylygyň merkezine öwrüldi.
Dilimiziň, medeniýetimiziň, taryhymyzyň hem-de ruhy gymmalyklarymyzyň umumylygyna esaslanýan dost-doganlyk gatnaşyklarymyzyň geljekde-de ikitaraplaýyn esasda bolşy ýaly, sebit we halkara derejelerinde hem has-da ösdüriljekdigine ynanýaryn.
Siziň Alyhezretiňiz bilen bilelikdäki işiň netijesinde, gazanylan üstünlikleri has-da artdyrmaga umumy gyzyklanmalarymyzyň bardygyny şatdyryn.
Ýakyn wagtda Türkmenistana ozaldan meýilleşdirilen saparymy amala aşyrmagy maksat edinýärin. Öňde boljak sapar biziň ýurtlarymyzyň arasyndaky gatnaşyklarda täze sahypany açjakdygyna ynanýan.
Mundan başga-da, Türkmenistanyň Prezidentine BMG-niň Baş sekretary Antoniu Guterreş, Russiýanyň Prezidenti Wladimir Putin, HHR-iň Başlygy Si Szinpin, Amerikanyň Birleşen Ştatlarynyň Prezidenti Jo Baýden we beýleki köp sanly döwlet Baştutanlary gutlag hatlaryny iberdiler.