Halkara Antalýa gum heýkeltaraşlyk muzeýi heýkeltaraşlaryň koronawirus sebäpli gelip bilmeýänligi üçin möwsümini giç açmaly boldy. Gum heýkeltaraşlyk muzeýiniň düýbünden başga bir görnüş bilen 2021-nji ýylda geçiriljekdiginii mälim eden muzeýiň müdiri Jem Karaja taýýarlyk işleriniň ýanwar aýynda başlajakdygyny aýtdy.
Epidemiýa sebäpli täze heýkeller ýasamagyň ýerine, 2019-njy ýyldaky ‘Dünýäniň täsinlikleri, mifologiýa we deňiz rowaýatlary” atly heýkelleri dikeltmek kararyna gelen muzeý ýolbaşçylary 2021-nji ýylyň mowzugynyň ýanwar aýynda kesgitlenjekdigini we heýkelleriň gurluşygynyň mart aýynda başlajakdygyny habar berdi.
Muzeýiň müdiri Jem Karaja indiki ýyldaky möwsümi höwes we uly umyt bilen garaşýandygyny belledi.
Ol:“Täze-täze döredijiligimiz üçin daşary ýurtlardan 40-dan gowrak heýkeltaraş Antalýa gelip, öz heýkellerini ýasamagyna garaşylýar”-diýdi.
Ýurdumyzyň sungat ussatlary bilen taýýarlanan bir-birinden gyzykly söhbetdeşlikleri bu sahypamyzdan okap bilersiňiz!
