ABŞ-nyň hökümeti dünýäniň ähli ýurduna 110 million doza sanjymy mugt iberdi. Şonuň 23 million dozasy Günorta-Gündogar Aziýa döwletlerine ugradyldy. Bu barada ABŞ-nyň wise-prezidenti Kamala Harris Singapurda eden çykyşynda belläp geçdi.
– Pandemiýa (koronawirus) – serhet kabul etmeýän howp. Haçan-da Prezident Baýden we men wezipämize girişenimizde diňe öz halkymyzy sanjym etmek däl, eýsem tutuş dünýä üçin howpsuz we täsirli sanjym goruny döretmegi maksat edindik – diýip, Kamala Harris aýtdy. Onuň bellemegine görä, ABŞ-nyň hökümeti tutuş dünýä 110 million sanjym iberdi.
Harris ABŞ-nyň hökümetiniň dünýäniň saglygy goraýyş ulgamyny has-da berkitmäge ýardam etmäge taýýardygyny belläp, geljekde ýüze çykyp biläýjek täze wiruslara garşy hem göreşmäge taýýaryklaryny belledi.
Singapurda we Wýetnamda saparda bolan Kamala Harris Aziýa saparyny Wýetnamdaky keselçilik zerarly togtadyp, ABŞ-a yzyna dolanýar. Ol Wýetnama goşmaça ýene-de 1 million doza möçberinde sanjym kömegi bermek babatda wada berdi. Wýetnam häzirki wagtda sanjym etmek babatda öz sebitinde yzda barýar.