Türkmenistanyň esasy milli baýramlaryna – mukaddes Garaşsyzlygyň şanly 34 ýyllygyna hem-de hemişelik Bitaraplygyň ýubileý 30 ýyllygyna bagyşlanyp, Amerikanyň Birleşen Ştatlarynda “Makul Sözlük”, ýagny iňlisçe-türkmençe sözlük çap edildi. Bu sözlük dil diplomatiýasynyň täze basgançagyna öwrüler, diýip internet neşirleri habar berýär.
Hususan-da, “ussatnews.com” hem-de “https:vestiabad.ru” internet neşirlerinde “Makul iňlisçe–türkmençe sözlük” barada habarlar taýýarlanyp, okyjylar jemgyýetçiligine ýetirildi.
Rus dilinde taýýarlanan habarlarda täze sözlügiň Türkmenistan bilen Amerikanyň arasyndaky medeni, ykdysady we diplomatik gatnaşyklarda täze dil köprüsi bolup hyzmat etjekdigi bellenilýär. Bu barada “ussatnews.com” neşiri habar berýär.
“https:vestiabad.ru” internet neşirinde bolsa, Türkmenistanyň esasy milli baýramlaryna bagyşlanyp, iňlisçe-türkmençe sözlügiň taýýarlanandygy, şeýle hem onda, diňe umumy sözler bilen çäklenilmän, eýsem soňky döwürlerde has işjeň ulanylýan hukuk, işewürlik, lukmançylyk, sport, emeli intellekt ýaly ugurlardaky ýöriteleşdirilen adalgalarynyň hem özünde jemleýändigi bellenilýär.
Sözlügiň taýýarlanmagynda Aşgabatda terjime hyzmatlaryny berýän “Makul Hyzmat” Terjime Merkezi tarapyndan goldanylandygy hem bellenilip geçilýär.
“Makul iňlisçe–türkmençe sözlük” Amerikada neşir edildi we “Amazon” platformasynda satuwa çykaryldy
Frederik Starr: “Makul Sözlük”dil köprüsine möhüm goşant bolup hyzmat eder