Türkmenistanyň Prezidenti Serdar Berdimuhamedow sanly ulgam arkaly anna güni geçiren Ministrler Kabinetiniň nobatdaky mejlisinde 30-njy martda Oraza baýramynyň bellenilip geçiljekdigini we 30-njy martdaky dynç gününi 31-nji marta — duşenbe gününe geçirmek hakynda Permana gol çekdi. Bu barada “Watan” habarlar gepleşiginde bellenilip geçildi.
Bu resminama Türkmenistanyň Zähmet kodeksiniň 81-nji maddasyna laýyklykda kabul edildi.
Resminama laýyklykda, şu Permanyň ýerine ýetirilmegini eýeçiliginiň görnüşine garamazdan, ähli edaralar, kärhanalar we guramalar üpjün etmeli.