Ertir, ýagny 6-njy noýabrda Gyrgyz Respublikasynda Türki Döwletleriň Guramasynyň döwlet Baştutanlarynyň sammiti geçirilýär. Bu sammite gatnaşmak maksady bilen Türkiýäniň Prezidenti Rejep Taýyp Ärdogan döwlet, Wengriýanyň Premýer-ministri Wiktor Orban resmi sapar bilen Gyrgyzystana bardy.
Türkiýäniň Prezidenti Rejep Taýyp Ärdogan hem-de maşgalasy Emine Ärdogany “Manas” halkara howa menzilinde Gyrgyzystanyň Prezidenti Sadyr Žaparow hem-de maşgalasy Aýgül Žaparowa garşylady.
Howa menzilinde döwlet Baştutanlary gyrgyz sungat ussatlary tarapyndan türk we gyrgyz aýdym-sazlaryndan ybarat bolan gysga konserte tomaşa etdiler.
Şu gün iki ýurduň döwlet Baştutanlarynyň duşuşygy hem-de strategik hyzmatdaşlyk boýunça Ýokary geňeşiň 6-njy mejlisi geçiriler.
Wengriýanyň Premýer-ministri Wiktor Orbany bolsa, “Manas” halkara howa menzilinde Gyrgyzystanyň Prezidentiniň Diwanynyň ýolbaşçysy hem-de Ministrler Kabinetiniň Başlygy Akylbek Žaparow garşylady.
Wiktor Orban saparynyň çäklerinde ýokary derejedäki gepleşiklere gatnaşar.
Şeýle hem Prezident Ärdogan hem-de Wiktor Orban ertir Türki Döwletleriň Guramasynyň döwlet Baştutanlarynyň 11-nji sammitine gatnaşar. Sammite gurama agza döwletleriň – Türkiýäniň, Azerbaýjanyň, Gazagystanyň, Gyrgyzystanyň we Özbegistanyň döwlet Baştutanlary, şeýle hem guramanyň synçy agzalarynyň Baştutanlarynyň gatnaşmagyna garaşylýar.