Şu ýylyň 21-22-nji awgusty aralygynda Gazagystanyň Prezidenti KAsym-Žomart Tokaýew Täjigistanda döwlet saparynda bolup, Täjigistanyň Prezidenti Emomali Rahmon bilen duşuşdy.
Duşuşykda Gazagystan bilen Täjigistanyň arasyndaky söwda-ykdysady we maýa goýum ulgamlarynda hyzmatdaşlygy ösdürmek üçin ägirt uly mümkinçilikleriň bardygyna üns berildi.
Şol saparyň çäklerinde iki ýurduň hususy pudagynyň wekilleriniň gatnaşmagynda işewürler forumy geçirildi.
Forumyň çäklerinde umumy bahasy 1,2 milliard dollara barabar bolan 14 sany täjirçilik şertnamalaryna we ylalaşyklaryna gol çekildi.
Mundan başga-da, döwlet saparynyň barşynda iki ýurduň Baştutanlarynyň gatnaşmagynda Gazagystan bilen Täjigistanyň hökümet wekilleriniň arasynda 16 resminama gol çekildi.
Şeýle hem Kasym-Žomart Tokaýew we Emomali Rahmon elektron hökümet taslamasy boýunça hyzmatdaşlyk etmek babatda gurnalan tanyşdrylyş çäresine, şeýle hem oba hojalyk önümleriniň hem-de milli tagamlaryň sergisine gatnaşdy.