Futbol boýunça Türkmenistanyň Kubogy ugrundaky bäsleşigiň deslapky tapgyrynyň jogap duşuşygy geçirildi. Bu duşuşykda “Arkadag” topary myhmançylykda “Energetik” bilen duşuşdy. Mary şäheriniň “Energetik” stadionynda geçirilen duşuşyk 4:0 hasabynda “Arkadag” toparynyň peýdasyna tamamlandy. Bu iki toparyň arasynda geçirilen birinji duşuşygyň hem uly hasap bilen “Arkadag” toparynyň (4:0) peýdasyna tamamlanandygyny ýatladýarys.
“Arkadag” topary Kubok bäsleşiginiň çärýek finalynda “Köpetdag” topary bilen duşuşar.
Türkmenistanyň Kubok bäsleşiginiň deslapky tapgyrynyň duşuşygy:
“Energetik” – “Arkadag”- 0:4
Gollar: 20 Mekan Saparow, 82 Begenç Akmämmedow, 84, 90 Didar Durdyýew (“Arkadag”)
Duýduryş: 8 Arslan Ýusupow (“Energetik”)
Geçirilen ýeri: “Energetik” stadiony (Mary ş.)
Duşuşygyň emini: A.Sapaýew (Daşoguz ş.)
Kömekçi eminler: E.Ýazmyradow (Aşgabat ş.), Ý.Jumamyradow (Aşgabat ş.)
Ätiýaçdaky emin: M.Şanazarow (Mary ş.)
Gözegçi emin: B.Allaberdiýew (Aşgabat ş.)