Halkara Futbol Federasiýasy (FIFA) 2026-njy ýylda geçiriljek futbol boýunça dünýä çempionatynyň täze formatyny tassyklady. 12 toparça 4 milli ýygyndydan ybarat bolar we 104 duşuşyk 39 günde geçiriler.
Ruandanyň paýtagty Kigali şäherinde geçirilen FIFA-nyň kongresinde 2026-njy ýylda geçiriljek dünýä çempionatynyň formaty tassyklandy. Bu gezek çempionata 48 ýurduň milli ýygyndysy gatnaşar.
ilkibaşda 48 milli ýygyndyny 16 toparçada jemlemek islediler. Ýöne FIFA bu teklibi oňlamady we 4 milli ýygyndydan 12 toparçanyň düzülmegine karar berdi.
Her toparçada 2 milli ýygyndy we iň gowy görkeziji gazanan we 3-nji orny eýelän 8 milli ýygyndy soňky tapgyra çykar.
Umuman, indiki dünýä çempionatynda 104 duşuşyk geçiriler. Ýaryş 39 gün dowam eder. 2026-njy ýylda dünýä çempionaty 3 döwletde – ABŞ-da, Kanadada we Meksikada geçiriler.
Duşuşyklar 16 şäherde geçiriler. Dünýä çempionatynyň finaly 2026-njy ýylyň 19-nji iýulynda geçiriler.
Çempionata gatnaşjak milli ýygyndynyň sany 32-den 48-ä ýetirilen halatynda-da Ýewropa yklymynyň gatnaşyjy sany üýtgemedi. Ozalkylar ýaly Ýewropadan 16 milli ýygyndy gatnaşar.