Futbol boýunça dünýä çempionatynyň 1/16 finalynyň ähli jübütleri mälim boldy. Ýekşenbe gijesi çempionatyň toparçalaýyn tapgyrynyň oýunlary tamamlandy.
ABŞ-nyň, Meksikanyň we Kanadanyň bilelikde gurnaýan dünýä çempionaty gyzykly duşuşyklary bilen dowam edýär. Çempionatyň toparçalardaky duşuşyklary tamamlandy. 3 tapgyryň dowamynda 72 duşuşyk geçirilip, köp sanly rekordlar täzelendi.
Toparçada 1-nji we 2-nji orny eýelän, şeýle hem toparçalarda iň gowy oýun görkezen 8 milli ýygyndy indiki pleý-off tapgyryna çykdy. Mundan soňra utulan ýygyndy çempionat bilen hoşlaşyp, ýurduna dolanýar.
Pleý-off tapgyry Günorta Afrika Respublikasy — Kanada (28-nji iýun, Inglwud) oýny bilen başlanýar.
- Braziliýa — Ýaponiýa (29-njy iýun, Hýuston)
- Germaniýa — Paragwaý (29-njy iýun, Foksboro)
- Niderlandlar — Marokko (30-njy iýun, Monterreý)
- Kot-d’Iwar — Norwegiýa (30-njy iýun, Arlington)
- Fransiýa — Şwesiýa (1-nji iýul, Ist-Raterford)
- Belgiýa — Senegal (1-nji iýul, Sietl)
- Meksika — Ekwador (1-nji iýul, Mehiko)
- Angliýa — Kongo Demokratik Respublikasy (1-nji iýul, Atlanta)
- Ispaniýa — Awstriýa (2-nji iýul, Inglwud)
- ABŞ — Bosniýa we Gersegowina (2-nji iýul, Santa-Klara)
- Portugaliýa — Horwatiýa (3-nji iýul, Toronto)
- Awstraliýa — Müsür (3-nji iýul, Arlington)
- Şweýsariýa — Alžir (3-nji iýul, Wankuwer)
- Argentina — Kabo-Werde (4-nji iýul, Maýami)
- Kolumbiýa — Gana (4-nji iýul, Kanzas-Siti) duşuşyklary geçiriler.
Taryhda ilkinji gezek 48 milli ýygyndynyň gatnaşýan ýaryşy 19-njy iýulda tamamlanar.