Sungat işhärleri üçin Amerikanyň Birleşen Ştatlarynda gysga wagtlyk okuw maksatnamasy yglan edildi. Bu barada Türkmenistanyň Bilim Ministrliginiň resmi web saýtynda bellenip geçilýär.
Habarda bellenişina görä, Türkmenistandan gelen suratkeşler we medeni işgärler halkara ArtsLink maksatnamasyndan stipendiýa almak üçin ýaryşlara gatnaşyp bilerler.
Klimatyň üýtgemegi ýa-da adam hukuklary meselelerine degişli işlere artykmaçlyk berler. Bu bäsleşige bilimi bolanlar we özbaşdak çeperçilik endikleri alanlar hem dürli ýaşdaky sungat işgärleri gatnaşmaga çagyrylýar.
Haýsy döwletlerden gelen sungat işgärleri gatnaşyp bilýär?
Türkmenistanyň raýatlaryndan başga-da Owganystan, Albaniýa, Ermenistan, Azerbaýjan, Belarus, Bosniýa we Gersegowina, Bolgariýa, Horwatiýa, Çehiýa, Müsür, Estoniýa, Jorjiýa, Wengriýa, Ysraýyl, Gazagystan, Kosowa, Gyrgyzystan, Latwiýa ýaly ýurtlaryň wekilleri , Liwan, Litwa, Moldowa, Mongoliýa, Çernogoriýa, Demirgazyk Makedoniýa, Palestina, Polşa, Rumyniýa, Russiýa, Serbiýa, Slowakiýa, Sloweniýa, Siriýa, Täjigistan, Türkiýe, Ukraina we Özbegistan ýaly ýurtlaryň raýatlary hem çagyrylýar.
Gatnaşmagyň şertleri :
1. Gatnaşmak üçin zerur şert iňlis dilini bilmekdir.
2. 2023-nji ýylyň 16-njy ýanwaryna çenli ýüztutma haýyş haty we gysga terjimehaly tabşyrmaly.
3. 400 sözden köp bolmadyk hatda, ArtsLink programmasyna gatnaşmaga gyzyklanmagyňyzyň sebäbini we programmanyň size berjek peýdalaryny görkezmeli.
4. Programma gatnaşmak üçin doly anketa çakylyk alanlar, ýörite anketany dolduryp, 2023-nji ýylyň 25-nji fewralyndan gijä galman tabşyrmaly bolarlar.
5. Mart aýynda doly anketa tabşyranlar onlaýn söhbetdeşlik geçirerler, finalçylaryň atlary 2023-nji ýylyň 5-nji martynda yglan ediler we stipendiýa eýeleri 30-njy martda kesgitlener.
Näçe möhlet bilen okuwa kabul edilýär?
ArtsLink Fellows, şahsy gözlegleri dowam etdirmek ýa-da kabul ediji wekiller bilen hyzmatdaşlykda belli bir taslamany işläp düzmek üçin 6 hepdelik ylmy-barlag onlaýn ylmy işini (mart-aprel) we oktýabr aýynda ABŞ-a 6 hepdelik sapar alar. Noýabr aýynda Nýu-Ýorkda ýa-da ABŞ-nyň haýsy-da bolsa başga şäherinde ArtsLink wekilleri bilen duşuşyk bolar.
Biz Size öň, Fransiýa we Türkiýede bilim almak isleýänler üçin stipendiýa maksatnamasy baradaky habary ýetiripdik.
Aýda 1700 ýewro talyp haky bilen Fransiýada okamak isleýäňizmi?
“Türkiye Bursları 2023” talyp haky maksatnamasy baÅŸlaýar
Türkmenistanyň Serhet instituty 2023: Sizi okuwa çagyrýar!