Amerikanyň iri kompaniýalarynyň wekiliýetleriniň Türkmenistana sapara gelmegi meýilleşdirilýär. Bu barada “Trend” habarlar gullugyna “Türkmenistan-ABŞ” işewürler geňeşiniň ýerine ýetiriji direktory Erik Stýuart habar berdi.
– Koronawirus pandemiýasy sebäpli ählumumy çäklendirmeler sebäpli Türkmenistan bilen ABŞ-nyň arasyndaky söwda hyzmatdaşlygyna täsirini ýetirdi. Indi pandemiýanyň çynlakaý mesele bolmakdan çykandygy üçin Amerikanyň kompaniýalarynyň Türkmenistana saparlary göz öňünde tutulýar – diýip, Stýuart belledi.
Amerikan kompaniýalary Türkmenistan bilen oba hojalygy, energetika, maliýe, howpsuzlyk, syýahatçylyk we önümçilik ugurlarynda hyzmatdaşlyk etmäge gyzyklanma bildirýär.
Golaýda Aşgabatda türkmen-amerikan işewürler maslahaty geçirildi. Şol maslahatyň çäklerinde hem köp sanly hyzmatdaşlyk ugurlary kesgitlendi.