BMG-niň Baş sekretary Antoniu Guterriş ABŞ-nyň wekili Ketrin Rasseli BMG-niň Çagalar gaznasynyň (ÝUNISEF) täze ýerine ýetiriji direktory wezipesine belledi. Bu barada BMG-niň Baş sekretarynyň metbugat sekretary Stefan Dýužarrik habar berdi.
– BMG-niň Baş sekretary Antoniu Guterriş ÝUNISEF-iň ýerine ýetiriji geňeşi bilen maslahatlaşyp, Ketrin Rasseliň ýerine ýetiriji direktory wezipesine bellenmegi babatda karara geldi – diýip, metbugat sekretayr belledi.
Rassel 2018-nji ýylyň ýanwaryndan bäri ÝUNISEF-iň ýerine ýetiriji direktory wezipesini alyp barýan Genrietta Foruň ornuna geçer.
BMG-niň Baş sekretary Antoniu Guterriş ÝUNISEF-iň häzirki wagtda köp sanly döwlet we hususy hyzmatdaşlygy bolan we Durnukly ösüş maksatlaryna ýetmegi maksat edinýän gurama öwrülendigini belledi.
Ketrin Rassel 1961-nji ýylyň 4-nji martynda dünýä indi. Ol Boston kolležini tapawutlanan bahalar bilen tamamlady we Jorj Waşington uniwersitetinde hukuk ylymlarynyň doktory derejesini aldy.
Uly iş tejribesine eýe bolan Ketrin Rassel häzirki wagtda ABŞ-nyň Prezidentiniň kömekçisidir. Ol Ak Tamda işgärler bölümine seredýär. 2013-2017-nji ýyllarda ABŞ-nyň Daşary işler ministrliginiň zenanlar meseleleri boýunça ýörite ilçisi wezipesini amala aşyrdy.