2020-nji ýylyň 28-nji dekabry, 2021-nji ýylyň 3-nji ýanwary aralygynda hepdelik täleýnamanyň synlary. Bu hepde hamal, sowur, jöwza, seretan, eset, sünbüle, mizan, akrap, kowus, jedi, daluw, hut ýyldyzy astynda doglanlara nämeler garaşýar?!
Hamal (guzy 21.03 — 20.04)
Ýylyň soňky hepdesinde öýüňizde düýpgöter üýtgeşmeler girer. Täze ýylda maşgala agzalary bilen ýakynlaşarsyňyz. Hepdäniň birinji ýarymynda karýera durmuşyňyzda garaşylmadyk oňyn ösüşi başdan geçirip bilersiňiz. Hepdäniň ikinji ýarymynda gatnaşyklaryňyzdaky Täze ýyldaky meýilnamalara ünsi jemläp, gadamlaryňyzy batly uruň. Gyssagly kara bermekden saklanyň!
Sowur (öküzçe 21.04 — 20.05)
Ýylyň tamamlanýan günleri ýakyn garyndaşlaryňyz we dostlaryňyz bilen gowy wagt geçirip bilersiňiz. Uly hyjuwlar bilen Täze ýyla girersiňiz. Ajaýyp pikirleriňiz işiňiziň ösmegi üçin zerur bolar. Şeýle hem bu döwürde durmuşuňyzda üýtgeşmeler bilen ýüzbe-ýüz bolup bilersiňiz. Hepdäniň ahyrynda size bir hoş habar gelmegine garaşylýar.
Jöwza (ekizekler 21.05 — 21.06)
Ýylyň soňky günlerinde, hemmeleriň özüňiz ýaly däldigine ýene bir gezek göz ýetirip, bilersiňiz. Uly söýgi bilen täze ýyla girmek siziň üçin iň ýakymly zatlaryň biri bolup bolar. Saglygyňyza oňat seretmegi unutmaly dälsiňiz. Täze ýylda bu ýylda amal edip bilmedik işleriňizi tizleşdirip, öňüňizde goýan maksatlaryňyza tiz wagtda ýetip bilersiňiz.
Seretan (leňňeç 22.06 — 22.07)
Ýylyň soňky hepdesi durmuşyňy ajaýyplyklara beslener. Täze ýyl sizi mähir bilen güýçlendirer we täze maksatlara iterer. Täze iş tertibi, täze gatnaşyklar, täze guramalar gapyňyzy kakyp biler. Indiki ýyl hünäriňiziň ussatlyk döwrüne gadam basarsyňyz. Başga bir tarapdan, söýülýändigiňize we hormatlanýandygyňyza göz ýetirersiňiz. Bu bolsa sizi diýseň begendirer.
Eset (ýolbars 23.07 — 23.08)
Bu hepdede eset ýyldyzy astynda doglanlaryň ýagny ýaş maşgalalylara çagaly bolmak, juwanlara durmuşa gurmak we nika gatnaşyklaryny berkitmek ýaly söýgi durmuşyňyzda kämillik garaşýar. Durmuşyňyzda şatlykly, işjeň, erkin başdan geçirmeler bolup geçer. Sözüň doly manysynda ýylyň ahyry we başy siziň ýüzüňize gülüp bakar.
Sünbüle (gyz 24.08 — 23.09)
Ýylyň soňky hepdesi sünbülelere şowly bolar. Täze ýylyň şowhunly günlerinde ýakynlaryňyza has duýgur, mähirli bolmak islärsiňiz. Uzak wagtdan bäri işlän meýilnamalaryňyz indi size peýdaly bolar. Ýöne şonda-da siz diňe batyrgaýlyk bilen täze maksatlara tarap öňe gitmeli. Hyjuwly, batyrgaý, ruhubelent duýgular bilen 2021-nji ýyla gadam basarsyňyz.
Mizan (terezi 24.09 — 23.10)
Bu hepdäniň başynda maşgalanyň içinde ýüze çykýan meseleleri çözmek üçin elinden gelenini etmäge üns bermelisiňiz. Çünki Täze ýyla aladasyz başlamalysyňyz. Ýaş juwanlar nikalaşmak kararyny we jaý gurmak islegini duýup bilerler. Karýeradaky üýtgeşmeleri tamamlap, täze ýylda arassa sahypa açyp, dürli maksatlara geçip bilersiňiz. Ýylyň soňky günlerinde garaşylmadyk wagtda hyzmatdaşlykdan maliýe goldawyny görüp bilersiňiz.
Akrap (içýan 24.10 — 22.11)
Bu hepde akraplar hoş habara garaşybermeli. Ýan ýoldaşyňyzyň size bagtly habar getirmegine ýa-da maşgalaňyza bir şatlykly habaryň gelmegine garaşylýar. Gysgaça aýdanyňda, Täze ýyla düýpgöter üýtgeşmeler bilen girýärsiňiz. Täze ýyl saçagyny giňden ýazyň. Hemme zady oňatlyga ýoruň. Ana, şonda her bir edýän işiňiz niýetiňize görä şowly bolar. Saglygyňyz adatdakylardan has gowy.
Kowus (keman 23.11 — 21.12)
Bu hepde kowuslar üçin hem iň şowly döwürleriň biri bolup biler. Bu hepdede gündelik işiňizi üýtgedýän garaşylmadyk iş teklipleri gapyňyzy kakyp biler. Gysgaça aýdanyňda, Täze ýyla gireniňizde, maliýe rahatlygyňyzyň ýokarlanýan, haýal bolsa-da, öňüňizde özüňize bolan ynamyňyzy güýçlendirjek prosesiň gapylary açylýar.
Jedi (owlak 22.12 — 20.01)
Jediler bu hepdede biraz göwniçökgünlik bilen başlasada hepdäniň dowamynda bir hoş habaryň gelmegine garaşylýar. Täze ýylyň ilkinji hepdesinden maliýe ýagdaýyňyzyň ýokarlanmagyna, dost-ýarlaryňyz bilen gatnaşyklaryň has-da berkemegine garaşylýar. Täze arzuwlar bilen Täze ýyla girmek sizi durmuşa bolan hyjuwyňyzy has-da artdyrar.
Daluw (gowa 21.01-20.02 )
Bu hepde daluwlaryň durmuşynda uly özgermeler garaşýar. Ýylyň soňky hepdesinde tutuş ýyl boýy çeken zähmetleriniň hözirini görerler. Garaşylmadyk Täze ýyl sowgatlaryny alarlar. Maşgala agzalary bilen gyzykly wagt geçirip bilerler. Täze ýyl daluwlara düşümli ýyllaryň biri bolar.
Hut (balyk 21.02 — 20.03)
Täze ýyl meýilnamalaryna çynlakaý seretmegiň wagty gelendigine hut ýyldyzy astynda doglanlara ýyldyzlar ýatladýarlar. Bu ýylky ýetip bilmedik maksatlaryňyza Täze ýylda ýetmegi başarmalysyňyz. Özüňize bolan ynamsyzlykdan ara açyp maksadaokgunly herekete geçmegiň wagty geldi. Saglygyňyz adatdakylar ýaly gowy. Eger-de siz tutuly işlere baş goşsaňyz, maliýe taýdan ösüş gazanarsyňyz.
Ykbalyň bagt ýyldyzy hemmelere miýesser etsin.
Janyňyz sag, işiňiz ugryna bolsun!
Ýurdumyzyň gözel künjegine degişli fotosuratlary bu sahypadan tapyp bilersiňiz!
