Amerikanyň “Nova-C” (“Odisseý”) atly kosmos gämisi Aýa gondy. ABŞ-nyň Aýa dolanyp gelmegi we kosmos gämisiniň aýa gondurylmagy NASA edarasy tarapyndna göni ýaýlymda alnyp berildi. Kosmos enjamy Aýyň günorta ýarym bölegini üstünlikli gondy.
– Şu gün ýarym asyr gowrak wagtdan soňra Birleşen Ştatlara Aýa dolanyp geldi. NASa bilen täjirçilik hyzmatdaşlygyň geljegi we güýji görkezildi – diýip, NASA edarasynyň ýolbaşçylaryndan Bill Nelson göni ýaýlymda çykyş etdi.
Aýa gondurylan enjam “Intuitive Machines” kompaniýasy tarapyndan işlenip düzüldi. “Odisseý” ABŞ-nyň hususy kompaniýasy tarapyndan işlenip düzülen ilkinji kosmos gämisidir. Şeýle hem bu kosmos gämisi 1972-nji ýylda “Apollon-17” kosmos enjamyndan soňra Aýa gonan enjam boldy.
“Odisseý” kosmos gämisi ” SpaceX” kompaniýasynyň “Falcon 9” raketa göterijisi bilen 15-nji fewralda Jon Kennedi adyndaky kosmos merkezinden Aýa uçurylypdy.
“Odisseý” kosmos gämisinde 6 sany dürli peýdaly ýük bolup, ol hem NASa tarapyndan “Artemida” missiýasynyň çäklerinde ulanylar.