Türkiýe Respublikasynyň Prezidenti Rejep Taýyp Ärdogan 24-nji sentýabrda Birleşen Milletler Guramasynyň Baş Assambleýasynda 14-nji gezek çykyş eder. “Anadolu” agentliginiň habaryna görä, Prezident Ärdogan 2005-nji ýylda şol döwürde ýurduň Premýer-ministri döwründe ilkinji gezek BMG-niň Baş Assambleýasynyň 60-njy mejlisine gatnaşypdy. Soňra Ärdogan ikinji gezek BMG-niň Baş Assambleýasyna 2007-nji ýylda gatnaşdy.
Prezident Ärdogan 24-nji sentýabrda BMG-niň Baş Assambleýasyna 14-nji gezek gatnaşýar. Ärdogan bu mejlisiň çäklerinde ikiçäk duşuşyklaryň birnäçesini geçirer.
Her ýyl dünýä döwletleriniň Baştutanlary we hökümet başlyklary Nýu-Ýork şäherinde BMG-niň Baş Assambleýasynyň mejlisine gatnaşýar.
Üstümizdäki ýylda BMG-niň Baş Assambleýasynyň 79-njy mejlisi “Geljegiň sammiti” şygary bilen geçiriler. Ýokary derejeli hepdeligiň dowamynda dünýä liderleri BMG-niň Baş Assambleýasynyň münberinden çykyş ederler.
Türkiýe Respublikasynyň Prezidenti Rejep Taýyp Ärdogan 24-nji sentýabry güni başlanýan mejlisde 3-nji bolup çykyş eder.
BMG-niň Baş Assambleýasynyň mejlisine 190 döwletden ýokary derejeli wekiliýetiň gatnaşmagyna garaşylýar.