Daşky gurşawy goramak we ýurdumyzyň ekologiýa abadançylygyny üpjün etmek boýunça döwlet strategiýasynyň durmuşa geçirilişi barada hasabat berildi.
“Watan” habarlar gepleşiginde bellenilip geçilişi ýaly, Ministrler Kabinetiniň sanly ulgam arkaly geçirilen mejlisinde ýurdumyzda 2023-nji ýylda bak ekmek hakynda kararyň taslamasy hödürlendi.
Meýilnama laýyklykda, şu ýyl ýurdumyzda saýaly, pürli we miweli baglaryň hem-de üzümiň 3 million düýp nahallaryny ekmek meýilleşdirilýär.
Hormatly Prezidentimiz hasabaty diňläp, bu resminama gol çekip, bu resminamanyň ýerine ýetirilişini gözegçilik etmek boýunça degişli ýolbaşçylara tabşyryk berdi.
Garaşsyz, hemişelik Bitarap Türkmenistan Watanymyzda her ýylyň güýz hem-de ýaz pasyllarynda köpçülikleýin bag nahallarynyň ekilmegi eziz Diýarymyzyň tebigatynyň gözelligini artdyrmak bilen birlikde, onuň ekologik abadançylyk derejesiniň ýokarlanmagyny hem üpjün edýär.
Her ýylyň ýaz we güýz aýlarynda ýurdumyz boýunça saýaly, pürli, miweli agaçlary hem-de üzüm nahallaryny ekmek, bar bolanlaryna ideg etmek asylly däbe öwrüldi.