San-Marinonyň milli ýygyndysy 20 ýyldan soňra resmi duşuşykda ýeňiş gazandy. Milletler ligasynda “D” toparçada çyykş edýän San-Marino garşydaşy Lihtenşteýni 1:0 hasabynda ýeňdi. Bu ýeňiş 20 ýyldan soňra resmi duşuşyklarda gazanylan ýeňiş hökmünde hasaba alyndy.
Latwiýaly emin Andris Treýmanisiň eminlik eden duşuşygynda ýeke-täk gol 53-nji minutda geçirildi. Bu goly Italiýanyň “Seriýa D” çempionatynda çykyş edýän Niko Sensoli öz adyna ýazdyrdy.
Şeýlelikde, San-Marino 20 ýylda geçiren 140 duşuşygynda ilkinji ýeňşini gazandy. 2004-nji ýylda-da San-Marino ýene-de Lihtenşteýni ýeňipdi.
San-Marino Milletler ligasynda nobatdaky duşuşygyny Gibraltar bilen geçirer.