Ýewropa uniwersitetlerinde bilim ýa-da tejribe almak isleýän Türkmenistanyň raýatlary Ýewropa Bileleşiginiň girdeji gazanmaýan “Erasmus+” maksatnamasyndan peýdalanyp bilerler. Bu barada www.erasmusplus.org.tm internet saýtynda bellenilip geçilýär.
Täzelenen maksatnama soňky bäş ýylda “Erasmus Mundus”, “Tempus” we beýleki birnäçe köne maksatnamalaryň ornuny tutdy.
Bu maksatnamanyň kömegi bilen 4 milliondan gowrak adam daşary ýurtda okamak we durmuş tejribesi toplamak mümkinçiligini gazandy.
2014-2020-nji döwri öz içine alana Erasmus +” Maksatnamasy tamamlandy. 2021-nji ýylda täze Maksatnama tapgyry yglan edildi: ol hem 2027-nji ýyla çenli döwür üçin niýetlenendir (2021-nji ýyla çenli saýlanan taslamalar işlemegini dowam etdirer).
2021 geçiş ýyly bolar, bäsleşik diňe birnäçe ugurda geçiriler: Olar
- Jean Monnet
- Erasmus Mundus Design Measures
- Erasmus Mundus Joint Masters
Has giňişleýin maglumaty: erasmusplus.org.tm saýtynda ýa-da info@erasmusplus.org.tm e-mail arkaly alyp bilersiňiz.
“Erasmus +” maksatnamasy, bilim, okuw, ýaşlar we sporty döwrebaplaşdyrmagy we ösdürmegi, başarnyklary we iş mümkinçiligini ýokarlandyrmagy maksat edinýär. Bu maksatnama adam ösüşine maýa goýumlaryny ep-esli artdyrar.