Ýurdumyzyň dürli künjeklerinde ýaşaýan zehinli ýaş-oglan gyzlarymyzyň başarnyklaryny halk köpçüligine ýetirip bilmekleri üçin goşmaça platforma boljak “Ata Watan Zehinleri” gepleşiginiň ilkinji sany halk köpçülügine ýetirildi.
Gepleşigimiziň ilkinji sanyna ýaňy-ýakynda jemlenen “Merdana Nesil-2022” bäsleşiginiň ýeňijisi (Döwlet tapgyrynda 3-nji orun) Baýramgeldi Orazgylyjow we onuň dogany Orazgeldi Orazgylyjow çagyryldy. Zehinleriň täze gepleşigini Miwe Jumadurdyýewa alyp barýar. “Makul hyzmat” terjime merkeziniň hemaýat bermeginde alnyp barylýan gepleşikde bilim, sungat şol sanda aýdym-saz ulgamynda zehinli ýaş oglan-gyzlarymyz gatnaşyp biler.
“Ata Watan media” topary tarapyndan öň ýurdumyzyň meşhur ýyldyzlarynyň çagyrylan “Ata Watan Ýyldyzlary” (alyp baryjysy Pälwan Muhyýew) we halypalyk derejesine ýeten, ussat sungat wekillerimiziň gatnaşmagynda “Ussatlar Ata Watanda” (alyp baryjysy Gülälek Hezretgulyýewa) gepleşikleri tomaşaçylara ýetirildi. Siz bu gepleşikleri “Atavatan TV You Tube” kanalyndan we “www.atavatantv.com” saýtndan tomaşa edip bilersiňiz.
Gepleşige gatnaşmak isleýän ýaş-oglan gyzlar +993 62 60 52 61 telefon belgisinden habarlaşyp bilerler.
Gepleşige tomaşa etmek üçin şu ýere basyň!