Russiýanyň Sankt-Peterburg şäherindäki “Lahta Sentr” binasy “Emporis 2020” atly köp gatly binasy baýragyna mynasyp boldy. “Emporis” tarapyndan her ýyl iň oňat binagärlik taslamalary üçin baýrak berilýär.
Bu gezek dünýäniň iň beýik gökdiräni baýragyna Russiýanyň “Lahta Sentr” binasy mynasyp boldy. Ýewropanyň iň beýik binasy hasaplanýan bu merkez 87 gatdan ybarat bolup, beýikligi 462 metre deňdir. Köpleriň ünsüni çekýän bu merkez 16 müň aýna böleginden durýar.
Bu bäsleşikde ikinji orny Hytaýyň Pekin şäherindäki “Leeza Soho” binasy, üçünji orny bolsa ABŞ-nyň Nýu-Ýork ‘äherindäki “Hudson Yards” binasy eýeledi.
Bu gezekki bäsleşikde emin agzalaryna iň gowy köp gatly binany saýlamak aňsat düşmedi. Sebäbi bu ugur üçin 700-den gowrak hödürnama kabul edildi.
Şolaryň hataryndan saýlanan “Lahta Sentr” binasy beýikligi boýunça dünýäde 14-nji orunda durýar.
“Lahta Sentr” binasy jemgyýetçilik we işewürlik toplumy bolup, Russiýanyň “Gazprom” kompaniýasynyň esasy edara merkezi bolar.
Toplum 5 desgadan ybarat bolup, umumy meýdany 570 müň inedördül metre barabardyr. Toplumyň umumy bahasy 120,7 milliard rubl (1,77 milliard dollar) diýlip çaklanylýar.
Interaktiw sahypamyz- okyjylarymyzdan gelen habar we eserleriň ýerleşdirilýän sahypasy-sizden gelenler sahypasy siziň iberjek eserleriňize garaşýar!
