Dünýä jemgyýetiçiliginiň uly sabyrsyzlyk bilen garaşýan duşuşygy başlady. Russiýa Federasiýasynyň Prezidenti Wladimir Putin bilen ABŞ-nyň Prezidenti Donald Trampyň duşuşygy Alýaska ştatynyň Ankorij şäherinde geçirilýär.
Ankorij şäheriniň howa menzilinde iki ýurduň Prezidentleri bir wagtda diýen ýaly uçardan düşdüler we soňra bilelikde “Alýaska-2025” ýazgynyň öňünde surata düşdüler.
Soňra Wladimir Putin we Donald Tramp ABŞ-nyň Prezidentiniň ulag kerweninde duşuşygyň geçirilýän Elmendorf-Riçardson harby bazasyna gitdiler.
Bu ýerde ilki bilen Wladimir Putin we Donald Tramp ikiçäk duşuşarlar. Bu duşuşyga rus tarapynda Russiýanyň Prezidentiniň kömekçisi Ýuriý Uşakow hem-de daşary işler ministri Sergeý Lawrow, amerikan tarapyndan döwlet sekretary Marko Rubio hem-de ýörite wekil stiwen Uitkoff gatnaşdy.
Russiýa Federasiýasynyň Prezidenti Wladimir Putiniň metbugat sekrtary Dmitriý Peskowyň bellemegine görä, Wladimir Putin we Donald Trampyň arasyndaky duşuşyk 7 sagat dowam eder.
Duşuşykda resminamalara gol çekmek göz öňünde tutulmaýar we onuň jemleri boýunça metbugat ýygnagy geçiriler.
Şeýle hem bu duşuşykda Russiýa bilen ABŞ-nyň arasyndaky söwda-ykdysady hyzmatdaşlyk meselelerine serediler. Şonuň üçin iki ýurduň wekiliýet düzüminde söwda we ykdysadyýet toplumlaryna gözegçilik edýän ministrler hem bar.