Elimiziň, ýüzümiziň guramaklygy köpümizi birahat edýär. Köplenç hem, sowuk howalar sebäpli üşän bedenimizde guraklyk ýüze çykyp, bedeniň gyzarmagyna , gaşanmagyna hem getirip bilýär. Bedenimizde guraklyk, gyzarmaklyk, gijelewük nähili ýüze çykýar?
Ýygy-ýygydan suwa düşmek bedeniň guraklygyna getirýär. Ýaşyň ulalmagy bilen adam bedeninde ýuwaş-ýuwaşdan guraklyk ýüze çykyp başlaýar. Şeýle-de daş-töwerekdäki faktorlar sebäpli hem bedenimiz guramaga sezewar bolup biler, himiki arassaýlaýjylar, howanyň hapalygy, sabynlar, sowuk ýerler guraklygyň esasy sebäpleriniň biridir. Şeýle hem gyzgyn suwda suwa düşmek zyýanlydyr.
Kömelek keselleri, aşa köp derman ulanmaklyk gijelewügiň döremegine sebäp bolup bilýär.Ýönekeý ýaly görünse-de belli bir keseliň döremegi bilen hem bedende gijelewük görlüp bilner.Gijelewügiň döremeginiň sebäpleri göz öňüne getirilende hassanyň ýaşy, peýdalanýan dermanlary, onuň suwa düşme ýygylyklary göz öňünde tutulmaly. Käbir dermanlar ters täsir etmegi bilen bedende gijelewük döremegine sebäp bolup biler.