Futbol boýunça Ýewropa çempionatlarynyň geçiriljek ýurtlary belli boldy. 2028-nji ýylda Ýewropa çempionaty Beýik Britaniýa we Irlandiýada, 2032-nji ýyldaky Ýewropa çempionayt bolsa, Italiýa bilen Türkiýede geçiriler.
2028-nji ýyldaky ýaryş Belfast, Birmingen, Kardiff, Dublin, Glazgo, Liwerpul, London, Mançester we Nýukasl şäherlerinde geçiriler.
2032-nji ýylda geçiriljek Ýewropa çempionayt üçin Italiýa bilen Türkiýe 20 sany stadion teklip etdi. 2026-njy ýylda şol stadionlaryň 10-sy saýlanyp alnar. Her ýurtdan 5 şäherdäki stadion Ýewropa çempionatynyň duşuşyklaryny kabul eder.
Türkiýe Respublikasy bolsa, ilkinji gezek Ýewropa çempionatyny kabul edýär. Mundan ozal, bu çempionaty kabul etmek üçin 5 gezek ýüz tutupdy.