Futbol boýunçä Ýewropa çempionatynda “B” hem-de “Ç” toparlarynyň duşuşyklary tamamlandy. Indiki tapgyra çykan ýygyndylar mälim boldy.
“B” TOPARY: RUSSIÝA ÖÝÜNE DOLANDY
Bu toparda çykyş edýän Russiýanyň ýygyndysy garaşylan netijäni berip bilmedi. Olar soňky duşuşygynda Daniýanyň milli ýygyndysyndan uly hasap bilen, ýagny 4:1 hasabynda utuldy. Umuman, çempionata pajygaly ýagdaý bilen başlan Daniýanyň ýygyndysy iki duşuşykda hem ýeňlendigine garamazdan, üçünji duşuşygynda Russiýany ýeňip, indiki tapgyra çykdy. Daniýanyň ýygyndysynda 38-nji minutda Damsger, 59-njy minutda Poulsen, 79-njy minutda Kristensen hem-de 82-nji minutda Mele tapawutlandy. Russiýanyň ýeke-täk goluny 76-njy minutda 11 metrlik jerime urgusynda Artýom Dzýuba tapawutlandy.
BELGIÝA 9 UTUG BILEN BIRINJI ORUNDA ÇYKDY
“B” toparynda Belgiýanyň ýygyndysy ähli duşuşyklarda ýeňiş gazanyp, 9 utuk bilen topardan çykdy. Olar soňky duşuşykda Finlýandiýanyň ýygyndysyny 74-nji minutda Gradeskiniň öz derwezesine hem-de 81-nji minutda Lukakunyň geçiren gollary bilen ýeňiş gazandy.
Şeýlelikde, Belgiýa 9 utuk, Daniýa 3, Finlýandiýa 3, Russiýa 3 utuk gazandy. Belgiýa bilen Daniýa indiki tapgyra çykdy.
“Ç” TOPARY: NIDERLANDLAR BILEN AWSTRIÝA INDIKI TAPGYRDA
bu toparda Awstriýanyň ýygyndysy Ukrainany 1:0 hasabynda ýeňdi. Niderlandlar bolsa Demirgazyk Makedoniýany 3:0 hasabynda ýeňmegi başardy.
Şeýlelikde, Niderlandlar 9 utuk, Awstriýa 6, Ukraina 3, Demirgazyk Makedoniýa 0 utuk gazandy. Niderlandlar bilen Awstriýa indiki tapgyra çykdy.