Futbol boýunça Ýewropa çempionaty dowam edýär. Düýn “Ç” hem-de “D” toparynyň duşuşyklary geçirildi.
Sagat 18:00-daky duşuşykda Angliýa bilen Horwatiýanyň milli ýygyndylary duşuşdylar. Olar “D” toparynda çykyş edýärler. Örän çekeleşikli geçen duşuşykda Angliýanyň milli ýygyndysy 1:0 hasabynda ýeňdi. Duşuşygyň ýeke-täk goluny Rahim Sterling geçirdi.
“Ç” TOPARYNYŇ DUŞUŞYKLARY
Soňra sagat 21:00 we 00:00-da bolsa “Ç” toparynyň duşuşyklary geçirildi. Ilki bilen Awstriýa bilen Demirgazyk Makedoniýa duşuşdy. Örän gyzykly geçen duşuşykda Awstriýanyň ýygyndysy 3:1 hasabynda ýeňdi. Awstriýanyň düzüminde 18-nji minutda Laýner, 78-nji minutda Gregoriç hem-de 89-njy minutda Arnautiwoç tapawutlandy.
Demirgazyk Makedoniýanyň ýeke-täk goluny toparyň tejribeli gutbolçysy goran Pendew geçirdi.
Düýniň esasy duşuşyklarynyň biri Niderlandlar bilen Ukrainanyň ýygyndylarynyň arasynda geçdi. Duşuşykda jemi 5 pökgi geçirildi. Netijede Niderlandlar Ukrainany 3:2 hasabynda ýeňdi. Niderlandlar 2:0 hasabynda öňe geçen hem bolsa, Ukraina hasaby deňlemegi başardy. Ýöne duşuşygyň 85-nji minutynda Niderlandlar ýene-de bir gol geçirip, ýeňiş gazandy.
Şeýlelikde, “Ç” toparynda birinji duşuşyklardan soňra ýagdaý şeýleräk: Niderlandlaryň we Awstriýanyň 3 utugy, Ukraina bilen Demirgazyk Makedoniýanyň 0 utugy bar.
13-NJI IÝUNDAKY DUŞUŞYKLARYŇ NETIJELERI
“Ç” TOPARY
AWSTRIÝA 3 – 1 DEMIRGAZYK MAKEDONIÝA
18. Laýner 28. Pandew
78.Gregoriç
89. Arnautowiç
NIDERLANDLAR 3 – 2 UKRAINA
52. Weýnaldum 75. Ýarmolenko
58. Wegorst 79. Ýaremçuk
85 Dumfris
“D” TOPARY
ANGLIÝA 1- 0 HORWATIÝA
57. Rahim Sterling
Ãaponiýada ýerine ýetirilmeli däp-dessurlar barada maglumatlar