Türkiýäniň senagat we tehnologiýa ministri Mustafa Warank ýerli awtoulag öndüriljek zawodyň düýbüniň 18-nji iýulda tutuljakdygyny habar berdi. Ministr özüniň “Twitter” jemgyýetçilik torundaky hasabyndan bu barada maglumat berdi. Şol maglumatda Bursa welaýatynyň Gemlik şäherinde Türkiýäniň Awtoulag kärhanasy toparynyň (TOGG) zawodynyň gurluşygyna başlanjakdygyny mälim edildi.
DABARA 18-NJI IÝULDA GEÇIRILER
Ministr ýerli awtoulag önümçiliginiň iri kärhanasynyň düýbüniň tutulyş dabarasynyň 2020-nji ýylyň 18-nji iýulynda Türkiýäniň sagady bilen 17:30-da amala aşyryljakdygyny mälim etdi.
Türkiýäniň ýerli awtoulagynyň önümçiliginiň inženerçilik, bezeg hem-de önümçilik desgalarynyň düýbüniň tutulyş dabarasynyň ýurduň Prezidenti Rejep Taýyp Ärdoganyň gatnaşmagyna geçiriljekdigi aýdyldy.
Dabara täze görnüşli koronawirus ýokanjy sebäpli çäklendirilen derejedäki myhmanlaryň gatnaşmagyna guralar. Bu dabaradan soňra Gemlik şäherinde bölünip berlen ýerde zawodyň gurluşygyna girişiler.