Ýaşlar sporta höweslendirilýär

Hor­mat­ly Pre­zi­den­ti­miz ýurdumyzda köp­çü­lik­le­ýin be­den­ter­bi­ýe-sport he­re­ke­ti­ni we ýo­ka­ry ne­ti­je­li spor­ty ös­dür­mä­ge, jem­gy­ýe­ti­miz­de sag­dyn dur­muş ýö­rel­ge­le­ri­ni pug­ta­lan­dyr­ma­ga, ila­tyň, il­kin­ji no­bat­da, ýaş­la­ryň sport bi­len yzy­gi­der­li meş­gul­lan­ma­gyna giň müm­kin­çi­lik­le­ri dö­red­ýär.

Hor­mat­ly Pre­zi­den­ti­mi­ziň bi­möç­ber ta­gal­la­la­ry ne­ti­je­sin­de ýur­du­myz­da spor­ty hö­wes­len­dir­mek we ös­dür­mek bo­ýun­ça ne­ti­je­li çä­re­ler dur­mu­şa ge­çi­ril­ýär. De­giş­li dü­züm­le­ri döw­re­bap­laş­dyr­ma­ga, spor­tuň tä­ze gör­nüş­le­ri­ni giň­den wa­gyz et­mä­ge we ös­dür­mä­ge uly äh­mi­ýet be­ril­ýär. Mu­ňa hä­zir­ki wagt­da Türk­me­nis­tan­da be­den­ter­bi­ýe-sa­gal­dyş he­re­ke­ti­ni giň­den ýaý­baň­lan­dyr­mak bi­len bag­ly iş­le­riň ne­ti­je­sin­den hem göz ýe­tir­mek bol­ýar.

Ber­ka­rar döw­le­tiň tä­ze eý­ýa­my­nyň Gal­ky­ny­şy döw­rün­de ýaş­la­ry­myz be­den­ter­bi­ýe we sport bi­len yzy­gi­der­li meş­gul­la­nyp, ýo­ka­ry de­re­je­dä­ki us­sat­ly­ga eýe bol­ýar­lar. Mu­nuň şeý­le­di­gi­ne ýur­du­myz­da we dün­ýä ýurt­la­ryn­da ge­çi­ril­ýän dür­li de­re­je­dä­ki sport bäs­le­şik­le­rin­de ýaş tür­gen­le­ri­mi­ziň gu­wan­dy­ry­jy ne­ti­je­le­re eýe bol­ma­gy hem şa­ýat­lyk ed­ýär. Us­sat tür­gen­le­ri­mi­ziň hal­ka­ra ýa­ryş­lar­da üs­tün­lik­li çy­kyş et­mek­le­ri hor­mat­ly Pre­zi­den­ti­mi­ziň ýur­du­myz­da spor­ty ös­dür­mek, ýo­ka­ry de­re­je­li tür­gen­le­ri we tä­lim­çi­le­ri taý­ýar­la­mak ug­run­da ed­ýän bi­möç­ber ala­da­la­ry­nyň gü­wä­si­dir.

Ýer ýüzüniň iri sport ýaryşlarynda Watanymyzyň sport abraýyny beýgeltjek ussat türgenleri, sportuň dürli ugurlary boýunça hünärmenleri taýýarlamaga döwlet derejesinde berilýän üns-aladanyň esasynda Garaşsyz, hemişelik Bitarap döwletimiz sagdynlygyň, ruhubelentligiň, sportuň mekany hökmünde dünýäde uly meşhurlyga eýe bolýar. Bedenterbiýe-sagaldyş hereketine hem-de ýokary netijeli sporta berilýän döwlet goldawynyň çäklerinde sport ulgamyna degişli milli kanunçylyk yzygiderli kämilleşdirilýär.

Ýurdumyzda sportuň ösdürilmegine döredilýän giň mümkinçiliklere dünýä ýüzünde örän uly baha berilýändigine biz eziz Diýarymyzda üstünlikli geçirilen «Ýapyk binalarda we söweş sungaty boýunça V Aziýa oýunlarynyň», «Amul-Hazar — 2018» halkara awtorallisiniň we Agyr atletika boýunça dünýä çempionatynyň mysalynda görmek bolýar.

2018-nji ýylyň 12-nji aprelinde Birleşen Milletler Guramasynyň 72-nji sessiýasynyň 82-nji mejlisinde Türkmenistanyň başlangyjy bilen 3-nji iýuny Bütindünýä welosiped güni diýip yglan etmek hakyndaky Kararnamanyň kabul edilmegi bolsa eziz Diýarymyzy sport äleminde barha şöhratlandyrýar.

Türkmen türgenleri köp sanly iri halkara ýaryşlara gatnaşýarlar we olaryň ählisinden diýen ýaly medallar bilen dolanyp gelýärler. Asylly däbe görä, dünýäniň sport giňişliginde Watanymyza mynasyp wekilçilik edip, baýrakly orunlary eýelän türgenler milli sporty ösdürmäge, Türkmenistanyň sagdynlygyň hem-de ruhubelentligiň ýurdy hökmündäki abraýyny yzygiderli ýokarlandyrmaga goşan goşantlaryny ykrar etmegiň nyşany hökmünde döwlet derejesinde sylaglanylýar.

Oguzhan Orazsähedow, 

Türkmenistanyň Inžener-tehniki we ulag kommunikasiýalary institutynyň

Jemagat infrastrukturasy we inženerçilik ulgamlary fakultetiniň 4-nji ýyl talyby.