Russiýa Federasiýasynyň Prezidenti Wladimir Putin Türkmenistanyň Prezidenti Serdar Berdimuhamedowyň adyna gutlag hatyny iberdi. Wladimir Putin Türkmenistanyň Prezidentini iki ýurduň arasyndaky dostluk we hyzmatdaşlyk boýunça Şertnama gol çekilmeginiň 20 ýyllygy mynasybetli gutlady. Bu barada Russiýanyň Prezidentiniň metbugat gullugy habar berýär.
Hususan-da bu gutlag hatynda şeýle diýilýär:
– Biziň ýurtlarymyzyň arasynda dostluk we hyzmatdaşlyk boýunça Şertnamasyna gol çekilmeginiň 20 ýyllygy mynasybetli tüýs ýürekden gutlaglarymy kabul ediň.
2002-nji ýyldaky şertnama Russiýa bilen Türkmenistanyň arasyndaky döwletara gatnaşyklaryň häzirki döwrüniň başlangyjy boldy. Bu möhüm resminama gol çekilmegi, köp ugurly gepleşikleriň we özara gatnaşyklaryň hil taýdan ýokarlanmagy üçin şert döretdi.
Bilelikdäki tagallalar bilen Russiýa-Türkmenistan strategiki hyzmatdaşlygynyň mundan beýläk-de pugtalandyryljakdygyna ynanýaryn. Bu, elbetde, halklarymyzyň esasy bähbitlerine laýyk gelýär, Merkezi Aziýada we Hazar sebitinde howpsuzlygy hem-de durnuklylygy üpjün edýär.
Bedewiň çeper waspy: bäsleşigiň ýeňijileri yglan edildi