Russiýa Federasiýasynyň Prezidenti Wladimir Putiniň Türkmenistana sapary meýilleşdirilýär. Bu barada Russiýa Federasiýasynyň Prezidentiniň kömekçisi Ýuriý Uşakow habar berdi. Onuň bellemegine görä, Wladimir Putiniň bu sapary Türkmenistanda geçiriljek Halkara parahatçylyk we ynanyşmak forumy bilen baglanyşyklydyr.
Türkmenistanyň Prezidenti Serdar Berdimuhamedowyň çakylygy boýunça Russiaý Federasiýasynyň Prezidenti Wladimir Putin Türkmenistana saparyny amala aşyrar.
– Russiýanyň Prezidentiniň 12-nji dekabrda Türkmenistanda geçiriljek Halkara parahatçylyk we ynanyşmak forumyna gatnaşmagy meýilleşdirilýär. Bu forum hem-de bu wakalar Türkmenistanyň hemişelik Bitaraplygynyň 30 ýyllygyna bagyşlanandyr – diýip, Ýuriý Uşakow metbugat wekillerine beren beýanatynda habar berdi.