ABŞ-nyň Halkara Ösüş agentliginiň (USAID) ýolbaşçysy Samanta Pauer Özbegistanda saparda bolup, “C5+1” sebit hyzmatdaşlygynyň çäklerinde Türkmenistanyň, Gazagystanyň, Gyrgyz Respublikasynyň, Täjigistanyň we Özbegistanyň gatnaşmagynda ministrler duşuşygyna gatnaşdy.
Ministrler duşuşygynyň çäklerinde USAID-iň ýolbaşçysy Samanta Pauer ABŞ bilen Merkezi Aziýa döwletleriniň arasyndaky hyzmatdaşlygy pugtalandyrmagyň çäklerinde sebite goşmaça 14,3 million dollar maliýe serişdeleriniň gönükdiriljekdigini belledi.
Sebit hyzmatdaşlygynyň çäklerinde söwdanyň möçberini artdyrmak we parnik gazalarynyň zyňyndylarynyň möçberini azaltmak babatda ylalaşdylar.
USAID Merkezi Aziýa ýurtlary bilen parnik gazlarynyň zyňyndylaryny azaltmak strategiýa babatda hyzmatdaşlygyny giňelder. Şeýle hem ABŞ-nyň bu edarasy Merkezi Aziýada gümrük ulgamynyň kämilleşdirilmegi hem-de serhetýaka söwdanyň möçberini artdyrmak babatda hyzmatdaşlygyny güýçlendirer.
Şeýle hem kiçi we orta telekeçiligi ösdürmek ugrunda tagalla edilip, ýaşyl ykdysadyýet ugurly taslamalaryň maliýeleşdirilmegine aýratyn üns berler.
Energetika howpsuzlygy we sebitleýin elektrik energiýasynyň söwdasy babatda hyzmatdaşlyk edilip, gaýtadan dikeldilýän energiýa çeşmeleri üçin goşmaça maýa goýumlar özleşdiriler.