Şu ýylyň noýabr aýynyň ortalarynda Eýranda üçünji Hazar ykdysady forumy geçiriler. “IRNA” habarlar gullugynyň habar bermegine görä, bu foruma Hazarýaka döwletleriniň hökümet baştutanlarynyň gatnaşmagyna garaşylýar.
Nobatdaky Hazar ykdysady forumyň gün tertibine ulag, bilelikdäki kärhanalary döretmek, nebitgaz, maliýe, bank işi, şeýle hem tehniki hyzmatdaşlyk ýaly ugurlardaky hyzmatdaşlyk meseleleri girizildi.
Eýranyň Hazar deňzi boýunça daşary işler ministriň orunbasary Alireza Jahangiri öz ýurdunyň ykdysadyýetiniň degişli edaralaryny bu foruma gatnaşmaga çagyrdy.
Mälim bolşy ýaly, birinji Hazar ykdysady forumy 2019-njy ýylyň awgustynda Türkmenistanyň “Awaza” milli syýahatçylyk zolagynda geçirilipdi. 2022-nji ýylyň oktýabrynda Russiýanyň paýtagty Moskwa şäherinde ikinji Hazar ykdysady forumy guraldy.